人權新聞獎自1996年起成為香港新聞獎項中嘅盛事，國際特赦組織香港分會趁人權新聞獎踏入20年之際，出版《堅守公義——人權新聞獎20年》一書（圖），回顧20年來嘅得獎作品，見證香港回歸中國接近20年以嚟人權同新聞自由狀況不斷倒退，但同時見證新聞工作者喺逆境中嘅堅持。
國際特赦組織香港分會總幹事區美寶話，香港記者將來有冇機會自由採訪都成問題，從書中嘅得獎名單亦可見記者採訪時遇到人身安全威脅及無形之手阻礙，如2001年中文雜誌組別優異獎《傳媒間誹謗訴訟數字上升》、2002年新聞攝影冠軍《粗暴對待記者》到2011年中文評論及分析優異獎《曾偉雄踩新聞自由底線鐵腕手段變相擴大警權》，10幾年嚟記者採訪嘅空間越來越細。