【本報訊】特首梁振英上任後，將房屋問題視為施政「重中之重」，更不斷「盲搶地」建屋。昨日記者會原本已宣佈完結，但梁振英突然再主動回答提問，更一度哽咽感謝政府部門同事的辛勞，指是「粒粒皆辛苦」。不過，有公務員透露，「佢話多謝我哋，我覺得好假，聽到呢句想嘔！」
稱梁上任後「好嘢變衰嘢」
梁振英昨在記者會結束前，主動回答有記者提問他與曾俊華是否不和的傳聞，梁一度哽咽說：「我真係要感謝政府嘅同事，無論公營房屋、私營房屋，我哋做出嚟嘅成績粒粒皆辛苦。」
不過，有在「熱廚房」工作的公務員說，「佢話多謝我哋，我覺得好假，聽到呢句想嘔！」該公務員指梁振英性格好勇鬥狠，四處惹火頭，形象又差，「佢成日為同事製造麻煩，係佢搞到公務員咁辛苦」。該人士又指現行不少項目推展舉步維艱，「𠵱家做一個項目，比幾年前要花更多時間氣力，原本不具爭議嘅議題，都因為梁振英『點石成金』，總之好嘢變衰嘢，事倍功半，變相浪費公帑」。
另一名公務員也表示，梁振英上任前後四圍惹火頭，「佢自己又僭建，又講大話，仲成日將自己責任推畀其他人，乜都唔關佢事，唔使多謝我哋（公務員）啦！佢惹少啲人，唔好搞咁多嘢仲好啦！」
■記者譚靜雯