【本報訊】房署曾經就橫洲發展項目4次游說地區人士，聲稱最後一次「摸底」對象是民主黨元朗區議員黃偉賢及身兼元朗區議員的候任立法會議員鄺俊宇。鄺俊宇昨就「被摸底」作出控訴，稱從未聽聞橫洲將建1.7萬個單位，該次會面只是被知會橫洲將建4,000個單位，絕非諮詢或摸底，斥梁振英「屈完曾俊華，又嚟屈我鄺俊宇」。
澄清未聞建1.7萬單位
鄺俊宇及黃偉賢昨發表聲明，指從未聽聞政府提出在橫洲興建1.7萬個單位，亦不知悉分期建屋計劃。他們只曾在2014年3月17日應房屋署邀請，在民政事務處一間會議室與房屋署經理見面，並沒有高級政府官員在場，強調當時該名經理只是告訴二人橫洲將建4,000個公屋單位的計劃。
鄺俊宇隨後再在記者會上澄清，「由頭到尾我唔覺得係摸底，我哋只係被知會……只係將臨上區議會前嘅文件、圖畀我哋睇，唔係要我哋畀意見」，狠斥政府目的只是轉移視線。
鄺又質疑政府用甚麼準則挑選「摸底」對象，要求同樣被摸底的梁志祥要親自解釋，「點解係一個人指點江山就改晒規劃？係聞所未聞、荒謬絕倫，仲話同鄺俊宇有關，一定要同梁振英鍊過！」
他直言不會怕梁振英，也不會退縮，「接下來嘅時間，我會傾盡一切嘅努力，推動行使權力及特權法，務求讓橫洲事件嘅細節見於陽光之下」。
■記者譚靜雯