寫文時仲未知道聯儲局議息結果，無論加息定唔加息，只要星期四港股升勢顯著，短線毫無疑問確立強勢，到時短期內目標可鎖定突破9月9日高位，然後先搵出貨位。
星期三以軟件股同次級賭股表現較突出，二三線股無疑變得好炒。
鞍鋼（347）同本鋼進行重組嘅消息當前，話說中鋼協漏咗口風，話繼寶鋼同武鋼合併計劃曝光後，鞍鋼同本鋼將會喺年底前合併。雖然鞍鋼否認消息，但爆響口呢家嘢，反而證明消息可信度極高，令股價連升兩日。同上海集優（2345）情況相若，事先張揚重組計劃，往往令股價保持中線強勢，久沉鞍鋼相信唔例外。
鞍鋼股價理應喺4.2元有阻力，不過一連兩日成交大增，股價調整底部一次比一次高，上升三角形阻力線難有阻力，應該可以keep住強勢。
晉佳
http://fb.com/advanceguy1