【本報訊】公屋輪候人數創新高，市民上樓無期，凶宅或不受歡迎的公屋成為另類次選。最新一期「特快公屋編配計劃」首批申請人士昨開始揀樓，五個曾發生兇殺案的凶宅當中，一個單位已被揀選。
據房署最新資料，該個被揀選的凶宅位於深水埗榮昌邨榮俊樓，前年一名產後抑鬱患者被丈夫拋棄，持菜刀斬死歲半大女兒。目前尚有四個凶宅單位，及121個自殺或意外死亡單位未被揀選。
婦辭職輪候8年未上樓
首批申請人士張先生表示，家住牛池灣彩雲邨，但不會考慮同邨的凶宅單位，「凶宅快，但怕小朋友有心理影響」。他指入住現有單位時家裏只有4人，其間增添兩名小孩，現時想申請多一間現址附近的其他單位，方便照顧居住附近家人，亦希望多一個單位予長者及小孩分開居住，至今輪候已8年多。他指因已有公屋單位，成功獲派機會較低，但仍想一試不受歡迎單位。
陸太一家五口，同住奶奶年屆93歲，輪候公屋已8年。她曾被派東涌逸東邨及荃灣石圍角邨，但因家人所屬學校和醫院都在港島區，兩度放棄單位，「等咗8年實在太耐，身邊嘅朋友都話新移民好快上到樓，我切切實實香港出世，香港人反而要等咁耐，好唔公平」。她為了符合輪候公屋資格而辭職，由丈夫獨自餬口養家8年，但等了8年公屋依然無果，「我先生一個人做嘢好吃力，當初我為咗公屋辭咗份工，（等8年）好難過，我都唔知係我誠實定我愚蠢，資產審查驚過額，我又唔知幾時輪到我。」她質疑細單位容易上樓，但4至6人等大單位的供應甚少，「政府無乜注意呢樣嘢，起親都係細單位，叫人生多個，但公屋配套無考慮呢樣嘢。」但陸太稱不會考慮凶宅，因為家有小孩，最多只會揀無電梯及追債的單位。
■記者梁佩珊、譚靜雯
【申請人士心聲】
