粵菜廳唐閣，成為首屆上海米芝蓮的三星贏家。無獨有偶，於上屆香港米芝蓮，身為姊妹店的香港唐閣，也是唯一一間升呢摘三星的餐廳。
上海唐閣負責統軍的行政總廚譚仕業（Justin Tan）師傅，原來只有39歲。他祖籍廣東湛江，16歲就離鄉到廣州學做粵菜，出生於廚師世家，祖父、父親、兄長及弟弟均任大廚。他於2013年接任上海朗廷酒店中餐及唐閣行政總廚後，曾多次來港向香港唐閣總廚鄺偉強師傅學一兩招烹調粵菜的心得。結果公佈後，記者也第一時間致電鄺師傅報喜，「我今日放假冇收到消息，估唔到有三星呀！以我嘅賽果來說，我覺得Robuchon應該有三星, 可能唐閣得兩星。」鄺師傅認為這次上海唐閣之所以能奪星，相信與餐廳的裝潢、格調及服務有關，因為餐廳內只有六張枱，有如包廂般，寧靜且精緻，侍應可以用心款待之餘，廚師也能專心烹調菜式，食客固然會有賓至如歸的感覺。「我覺得喺上海食中菜有啲唔同，佢哋唔單只做粵菜，會夾雜埋涼菜或當地上海風味等等，唔夠正規，如果專注做一樣，可能會更加好。」反之言，他認為菜式上，上海唐閣仍有進步空間。
他亦回想起之前譚師傅來港學習一事，「唔好話學嘢喇，大家都係交流吓，哈哈。佢都有問我，點樣可以奪星？我就答佢，你要學嘅就係點樣可以做個好廚師，同埋點樣同你嘅班底合作。」不過，對於這次米芝蓮賽果，只有一間餐廳能奪三星，他認為頗意外，「Robuchon竟然拎唔到三星，真係估唔到！佢哋嘅班底全部係精英中嘅精英，我都想同佢哋學吓嘢。」。
記者︰黃依情
