金管局總裁陳德霖（Norman）花名叫做「攞命陳」，多少襯番佢比較嚴肅嘅形象，誰知噚日佢出席一項活動，講到如何發展香港「軟實力」，竟然話要搞好「3P」喎！
陳總搞咩「3P」咁鬼馬呢？哈哈，大家咪心邪，陳總係話，軟實力係講緊點樣將People，提升至Good People，然後再提升至Great People。佢講嘅3P係呢3種People啫。
就好似大家一講做零售生意最緊要「Location、Location、Location」，仲有董太以前叫大家「洗手、洗手、洗手」一樣咁緊要囉。
雖然大家成日話「十年樹木，百年樹人」，不過今時今日互聯網時代，訓練一個人才點可能等到「百年」吖？所以陳總都話，香港要改以「十年樹人」為本，先至可以保持優勢。