要見國際巨星除了天時地利，有時都要講彩數，早前在紐約有一對公公婆婆迷路，當他們問路時就撞着奧斯卡影帝里安納度狄卡比奧（Leonardo DiCaprio），想不到的是影帝居然非常有耐性及細心教路，這些機會不是我們的。不過在香港亦分分鐘有巨星在你身邊出現，早前任職的士司機的讀者何先生，透過爆相爆片野生捕獲發哥周潤發的片段。
站出馬路
作為港人偶像及國際級巨星的周潤發，非常親民而且貼地，不少市民隨時隨地都在港鐵、九龍城街市或者任何一條行山徑見到發哥。日前揸新界的士的何先生，正準備由西貢北潭路返回市區，就在他駛出迴旋處時，忽然有一名身穿黑色運動衣，戴着墨鏡及cap帽，身材高䠷精瘦的有型男士站出馬路截車。
路途遙遠
當車輛停定時，何先生發現截車人是發哥，最令人感動的是發哥只是幫3名行山人士截車，全程被的士的車cam拍下。之後發哥要求何先生載該3人到東壩，原本由上車處到東壩步行要3小時，坐車就只需約20分鐘。可能發哥見路途遙遠，替他們截車代步。
何先生接受電話訪問時透露發哥表現超親民，他說：「發哥當時好nice咁同我影相，仲拉咗我去車頭影，佢話咁樣先可以影埋架的士同車牌，之後啲乘客仲話好好彩，咁都畀佢哋撞到發哥。」之後本報向發哥了解事件，但他表示不作回應，貫徹低調作風。
採訪：唐琛悠