Janice Man（文詠珊）被喻為「o靚模界始祖」，不過其實佢都只係得27歲，佢喺14歲畀星探發掘做model，07年仲進軍大銀幕，而佢第一套擔正嘅作品就係08年嘅《愛 · 鬥大》，當時JM主要戲路都係以港女為主，之後喺《愛情故事》同《為你鍾情》中又開始變為少女味十足的角色。
而喺2012年嘅《大追捕》入面一人分飾母、女兩個角色，戲中的JM文青氣色極濃，有別於以前嘅戲路。
去年JM喺《赤道》再度轉型，挑戰做打女，佢仲憑呢個角色入圍第35屆香港電影金像獎最佳女配角o添！
今年JM又接拍邱禮濤嘅新作《兇手還未睡》，預告片中，JM有不少被虐打嘅戲份，最經典一幕就係佢全裸被綑綁喺床上，再度挑戰其演技極限。