這天早上沙田上空有大雨，但仍見兩位馬主好有心到場冒雨探望愛駒，就是吳濤及黃國堅。
黃國堅主要來睇名下的「我的禮物」試閘，不過隻馬似乎暫時仍未到位，冇乜走勢跑包尾；而吳濤除咗陪老友黃國堅外，當然亦要觀看自己隻「鼓浪飛星」進行最後備戰，並與練馬師姚本輝研究該駒的搏殺大計。
「鼓浪飛星」列陣周三(21日)快活谷第二場五班1800米，吳濤說：「我都算幾幸運，以往養過的『鼓浪旋風』、『鼓浪春風』等一系列馬匹，至今合共贏了約 20場頭馬。至於『鼓浪飛星』上仗谷草開鑼戰季內初出，跑1650米排外檔，沿途走外疊仍衝入第二名，今仗檔位內移(3檔)，希望有更佳表現。」
5歲澳洲自購新馬「鼓浪飛星」今仗改跑谷草1800米威力更大，事關上季正是於此路程取勝，當時可擊敗其後3捷包括贏四班賽「勁豐裕」，以此計算「鼓浪飛星」仍在五班上陣，當然大大有利。