駐港德國領事館緊貼時事，近來肯定唔得閒，要出多幾帖fb，翻譯香港乜乜乜做德文。
摸底。唔同英文soft lobbying，觸碰鄉黑利益，下下被恐嚇郁你全家，點會soft呢又。摸底摸到橫洲萬七公屋甩轆、甩底。而這個摸的動作，由梁特跨部門親自督師做小組主席示範，摸到官商鄉黑的高潮G點！由萬七變四千，如果是你副身家，無端端被摸走八成，會相信第二期第三期還俾你？
摸底無記錄。入冊通櫃，關乎高度私隱，都有晒記錄喎。摸底，竟然白紙一張，當乜事無發生過？連指紋都抹乾淨？無記錄，我信納！全世界得選舉主任有這種腦筋！
規範化。地政署高官的擋箭牌，恐怕連德國人也被滾！要是你個女被鄉黑惡霸夾硬上了，收做契女，既然這樣，乾脆把女兒規範化，讓那個惡霸繼續佔有！「衰佬包個女食宿，又俾番些少零用我，總好過施暴後，渣都無嘛！我咁多個女，由得她們晒太陽，唔上契，都無收益啫！」地政署甘心做鄉黑契弟，西環真係忍唔住笑！