31歲嘅宋熙年，前日英國時間終於升呢，做咗陳智燊太太，其實佢哋早係07年因合作主持娛樂新聞台而傳出緋聞，可惜佢哋就一直冇認過戀情，只係以情侶姿態搵銀接job，2013年仲傳過佢哋喺君傲灣同居o添！
咁戀情傳足咁耐，前年宋熙年突然喺微博到「洩蜜」，公開兩張佢哋陳智燊一齊慶祝生日嘅合照，其中一張仲要係舊相，相中熙年仲搭住陳智燊膊頭作小鳥依人狀，佢仲留言話：「Thank you for another memorable birthday !! More wonderful birthdays ahead... but hopefully not wrinkles..」。
宋熙年放閃後，佢哋嘅圈中好友高海寧﹑龔嘉欣﹑麥雅緻及陳倩揚等，都留言送上祝福！