如果香港普選特首，「發哥」周潤發好有機會當選！發哥除咗幫遊客截的士，平時行街fans搵佢自拍都好少托手㬹，但唔好以為發哥只係自拍咁簡單，作風低調嘅佢其實做過好多善舉。
最佳例子係協助吸毒青少年改過自身正生書院，早年獲批搬新址到大嶼山芝麻灣新址，但臨時緊急改善工程需要6,500萬，發哥就捐咗一張親自操刀嘅相，俾正生會喺30周年晚宴拍賣籌款，至少都籌咗底價嘅400萬！
發哥唔只幫學生，對遇過嘅人都好有愛。14年TVB喺7億盈利之下，解僱咗50名員工，包括人稱福爺嘅資深攝影師黃展倫，發哥因為睇住福爺長大，特登提早一日去酒樓為榮休Gathering埋單！據知當晚筵開7席，估計發哥花費逾5萬港元。
14年「雨傘革命」警方喺金鐘放催淚彈同向市民噴胡椒噴霧，激起市民反彈。當時發哥受訪替市民不值，講出小市民心聲，例如：「我遇到啲市民啦，學生啦，佢哋咁樣去爭取訴求係好勇敢，令人感動。 」、「如果政府再用暴力手段對付學生嘅時候，你令香港市民好反感。 」、「點解你成日叫人袋住先，你唔可以接納一個方案，係政府你袋住先？咁有錢，你後面有中國嘅國家backup你，你怕咩呢？ 」