【本報訊】因橫洲發展面臨滅村的3條非原居民村多名村民昨趁特首梁振英出席行政會議時到場抗議，有橫洲綠化帶發展關注組成員指，有村民向梁哭訴其年老母親因逼遷嚇得爆血管，卻換來梁一句「你哋係乜人？」連半句問候都沒有，僅逗留不足20秒收取請願信便離去，關注組轟梁「連戲都費事做」。
逗留不足20秒即走
受影響包括鳳池村、永寧村、楊屋新村，鳳池村村民兼關注組成員鄭小姐昨日到場抗議，目擊梁振英先與另一抗議團體傾談，逗留約1至2分鐘，但走到關注組抗議位置時，永寧村村民高女士向梁哭訴母親因逼遷一事而爆血管，梁不但無回應，更反問他們是甚麼團體。鄭小姐稱高女士表明身份後，梁無回應，只收取村民請願信，有人高聲問他「點解你哋要毀人哋家園呀？」他亦無發言並迅即離開，全程逗留不足20秒，鄭怒批梁「根本唔想理我哋，連戲都費事做」。
高女士指其88歲母親因為擔心收地「搞到終身癱咗」，批評梁振英「好似當聽唔到、睇唔到」，指現時政府一眾高官「猛喺度耍太極，好似搵個替死鬼咁」。
關注組在fb專頁指他們苦候1小時卻換來20秒敷衍，指梁「冷血回應令村民感到愕然」，指他對官商鄉黑勾結視而不見，拆毀家園全無羞恥之心。
■記者鍾雅宜