近月樓價有如坐火箭，越升越急，有用家去到馬鞍山睇樓，一入單位，門鐘狂響，原來係其他代理同睇樓客係外面，希望業主畀個機會睇樓議價，同業主身處屋內的用家，嚇到即時畀錢落定成交，以503萬買入364呎兩房單位，實用呎價高達1.38萬，或成為該屋苑今年新高。
買樓買到咁有劇情，差點以為自己睇緊TBB劇，其實，回望身邊後生仔女，其實都好有劇情對比！
有朋友係外國居住，正值花樣年華，剛出來工作幾年，朝9晚5，順其自然先置業，再準備結婚，以300萬價錢買入千呎二手樓，月供幾千元，下午5點放工直接揸車去打波、煮飯等等，晚上10、11點瞓覺，平日生活自己賺自己使，不必有「慈父慈母」出手，閒時出國度假。
對比香港同一個年紀的後生仔女，可能大家同樣出身小康，香港人卻要為樓死為樓亡，「婚後分居」慳租金儲錢，比比皆是，更被勸「去少幾次日本」。年輕人落力一世只為追樓價，不少人如看處境劇，好似身在其中，但實質完全不痛不癢，上至高官、下至香港炒家等既得利益者。
呢套對比處境劇叫咩名？明顯係「生在香港的悲哀」！
Melody
http://www.facebook.com/whichroad
本欄逢周三刊出