橫洲風波引發政府內部互相卸責，被指有意選特首的財政司司長曾俊華及政務司司長林鄭月娥遭特首梁振英將拉落水，惟曾俊華和林鄭月娥急急透過新聞秘書「割蓆」，澄清自己並無參與橫洲土地決策。表明反對梁振英連任的自由黨榮譽主席田北俊，昨午在社交網站Facebook上載照片「抽水」，一個多小時已有逾萬人讚好。
相中可見田少翹腳坐在大班椅上，邊吃花生邊看無綫新聞台報道橫洲風波。田少在帖文中寫道，「你哋仲成日叫我去選特首，食花生好過啦！」，又落hastag諷刺梁振英等人「好心夾下口供先啦」、「花生全部都係花生」。
有機警網民立即留言叫田少不要只顧「食花生」，問道「自由黨點投權力及特權法查橫州事件先？」有網民大讚「田毛毛」及田少幽默，指他「facebook關公真係一流」；但亦有人斥他不懂民間訴苦「坐埋一邊食花生」，「你就大把錢唔使愁，香港好多人係水深火熱」。
【網民點睇】
Geo Lun：有人肯同佢夾口供就唔係孤僻的梁振英啦
George Yin：田少牌抽濕機型號G2000，2000轉摩打，乜野都抽到
Luigi Lau：雖然唔太喜歡自由黨，但又幾喜歡你嘅post!Haha!