「攔路雨偏似雪花……」歌就好聽，但放假去旅行先嚟落雨，都咪話唔灰。「新股女王」中央證券登記董事總經理鍾絳虹（Pamela）近日專登飛去日本過一個人的生日，點知遇上日本打風，認真係貴人一名。
Pamela噚日生日，佢話怕煩到人，所以揀個冇去過嘅地方度假，原本計劃「望住富士山、過一個人的生日」，聽落好小清新吖！點知咁啱日本打風，富士山就見唔到，得狂風暴雨。
Pamela仲喺facebook講笑話，自己係貴人出門招風雨，今次見唔到富士山，希望下次有緣喇。
佢同華華講，以往生日唔會特登行開放假，但家陣就算要遙控工作都要行開、休息吓。佢噚日就「在河口湖風雨中遙控」今年最大單嘅IPO郵儲行（1658），隻股噚日截飛。