【本報訊】深水埗「桂林夜市」的「腸粉大皇」曾啟新（新哥）的新店啟市，昨日正式落戶欽州街。新哥以小販形式賣腸粉逾30年，每年夜市的人龍不見盡頭，排隊逾一小時才可一嚐新哥手藝。今年初因不敵貴租結束開業僅一年的深水埗汝洲街店舖。昨日新哥重歸深水埗，新店更加推新口味紫米腸粉及炸菜豬肚腸粉，以及將會24小時營業吸引消夜客。
新店開張不容易，57歲的新哥為新店勞碌了數月，開業前夕最辛苦，「噚晚（前晚）4點先清完裝修手尾，5點瞓，7點半起床買餸買布，12點正式開張，辛苦吓唔緊要，希望起步後可以唞下」。
小麗老師剪綵
爭取小販權益並在農曆新年與新哥一齊擺檔的候任立法會議員劉小麗，昨日更到場為新店剪綵。
雖然現在生活安穩，但新哥仍喜歡做小販，「有得揀梗係街邊生意好，唔使租金、水電費，又方便，推架車就得。自己仲有氣有力，冇得推車就開店，但做街邊可以同街坊傾偈」。新哥曾以每10分鐘賣100條腸粉叱咤「桂林夜市」，1981年起於佐敦及深水埗「推車仔」賣腸粉，現時佐敦著名的「堂記腸粉」老闆更是新哥徒弟。
小販的生存空間逐漸被剝削，新哥轉行做裝修，但每逢農曆新年仍會到夜市擺檔。去年在深水埗汝洲街租下舖位，以為可以安定下來，但租金貴、人流少，「搵到租、搵唔到人工；搵到人工、搵唔到租，所以唔做喇！」
現轉戰欽州街，街坊價月租只需2萬多，「業主係街坊，租金平、呢間舖喺十字路口，今次有信心做落去」。新哥亦將會與海洋公園合作，親自落場每日製腸粉，欽州街店則會交由學徒及兒子打理。
■記者梁佩珊