中國男籃主將易建聯決定加盟湖人之後，自不然要喺加州起番棟豪宅，預備同屋企人一齊定居美國。美國一間專門幫人起豪宅嘅公司周日就喺社交網站上載咗張相，仲話：「我要同大家宣佈，啱啱加盟湖人嘅易建聯，係我哋嘅新客！」睇相見到28歲嘅易建聯同老婆、囝囝一齊出席新屋嘅奠基儀式；不過，唔知「易帝」係咪想保障私隱，所以呢張相冇幾耐就俾人刪走咗。