被視為傘兵嘅「灣仔好日誌」楊雪盈去年喺區議會選舉中力阻新民黨小花藉葉劉「起機」，喺大坑選區撼低王政芝當選。楊雪盈做得大坑區議員，中秋一年一度嘅大坑舞火龍又點少得佢？中秋前幾日佢已經喺facebook上載咗綵排片段，噚日就寫咗個後記分享參與點滴。
有份參與舞火龍，第一件事梗係要多謝教練同一班師兄師姐啦，仲好多謝前輩同佢分享當年點樣學紮馬，點樣日日上山練鼓等。
查實大坑舞火龍已經有上百年歷史，2011年仲被列為國家級非物質文化遺產。楊雪盈話呀，前輩都希望大家可以傳承呢門技藝，事實上參加舞火龍嘅人唔少已經搬出大坑，但仲會年復年咁返嚟幫忙。做區議員夠晒貼地，有網民留言話：「呢樣都玩埋，邊夠你玩。」