橫洲萬七摸底，有定無？運房局起初說無，自認截肢，乜都無摸過，包括大髀、酥胸、屁股……
但忽然間，大話被揭底牌，有喎！摸底，犯法咩？小五女學生被老師指點後出力反擊：「又唔係摸周周，係摸橫洲之嘛，唔係狎童，唔使坐監。」
橫洲被貨櫃佔領了，官地被佔領了太久，地政署趕極鄉紳唔走，唯有租俾佢。早講呀！大佬，金鐘夏慤道佔領了79日，只要再佔多一陣，地政總署會出租龍和道和添美道，帳幕在金鐘遍地開花，應該，唔止萬七人的居住問題得到解決！噢，俾你摸N次底都抵！
梁特唔認唔認，解鈴還須繫鈴人，終於被證實，摸底工作小組的主席，就是呢個茂李！
摸來摸去，萬七就給摸蝕，只剩四千。
一摸橫洲，橫洲就大縮水，soft了。長洲、坪洲等住工作小組來摸底。
摸底完，地照霸。這個底唔係T字底，係黑底，官商鄉黑互摸，只要吹雞，就會撐你。梁振英這個橫洲工作小組主席，現在宣佈，正式被連任！