「娛圈多仔公」呢個名號送俾陳豪真係啱晒數，佢同陳茵媺「三年抱三」，o依家育有兩仔一女，陳豪仲話見到三個小朋友可以打成一片好開心o添！但估唔到，咁溫馨嘅場面竟然俾Pokemon Go打破………
讀者李先生「爆相爆片」，前日陳豪同陳茵媺(Aimee)湊住三個小朋友，一家五口連埋工人再加個男性友人，一行七人浩浩蕩蕩，現身尖沙嘴海港城。該名男性友人抱住陳豪二仔，而大仔同細女就坐喺BB車。陳豪一家人行行下街，阿Mo走去買雪糕，之後仲餵埋Aimee同二仔，場面非常溫韾。之後仲見到曾華倩同仔仔行街，兩家人仲寒暄咗幾句。
本身陳豪一家享受緊天倫樂，突然間一班人衝過嚟，嚇到佢哋有啲不知所措，不過人群就喺佢哋身邊擦身而過。點解？咪就係因為嗰班人係「訓練員」，咁心急都係為咗捉背背龍咋！事後仲有人喺fb嘅Pokemon Go群組share呢件事。
陳豪嘅魅力竟然不敵一隻背背龍，真係慘慘豬……不過掉翻轉諗，如果班人係要搵陳豪影相嘅，咁就會煩到成家人。