facebook（fb）教主朱克伯格喺自己fb預告下星期有「大件事」！
fb咁多人用，fb發生一件小事都可以震撼全球，朱克伯格唔知特登定冇心，喺fb透露佢有一項努力咗幾年嘅事要喺下周公佈，即刻引嚟一眾「教徒」留意，紛紛喺朱克伯格fb留言，問到底發生乜事。
唔少教徒估朱克伯格下周要宣佈，佢模仿《鐵甲奇俠》電影入面虛擬管家賈維斯（Jarvis）電腦程式要面世。
不過，朱克伯格嘅回覆就令人失望，因為佢話呢件「大事」會喺佢同太太旗下慈善公司Chan Zuckerberg Initiative辦公室內發生，而唔係喺屋企。朱克伯格舊年分享弄瓦之喜時，宣佈將所持有嘅九成九fb股份捐畀Chan Zuckerberg Initiative。
至於虛擬管家幾時有得玩，朱克伯格就話好快會有，教徒們不妨再等等吧。