大家睇開波,都知開波前兩隊球員會帶球僮出場,但喺AIK蘇納對加費萊嘅周日瑞超比賽,主隊就搞搞新意思,唔用球僮,用「球耆」!蘇納每個球員都拖住公公婆婆,慢慢行出場。揀帶頭出場嘅「球耆」嗰陣,蘇納一啲都唔求其,搵到家陣86歲嘅前歐洲足協主席祖軒遜出嚟。球會方面話,一個家庭有大有細,而且足球係全家人都可以參與嘅運動,唔單止小朋友,老人家都可以享受足球,所以有呢次嘅計劃。呢場波蘇納小勝1:0。