【人物專訪】
座落荔枝角山崗上的饒宗頤文化館，有人形容它是城中綠洲，但對於「秒秒鐘幾十萬上落」的賓架，藝術文化猶如高山仰止，是可望不可即的一闕晴空。去年初擔任饒館總幹事的黎業榮（Mike Lai），是第一代港元債市「元祖級」銀行家，曾經歷過市場風高浪急的拼搏歲月，過着有刁（Deal）即做、有錢即搵的生活。
持有中大比較及公共歷史碩士學位的黎業榮，今日卻選擇「歸園田居」，生命轉了一圈又回到起點。他冀以昔日專業管理經驗，參與文化傳承的拓荒工作，不單為人生下半場譜寫新一頁，亦希望藉饒館文化理念薰陶，為都市人帶來一點心靈洗滌空間。
「售迷債過唔到自己嗰關」
「人生唔同階段，追求嘅好唔一樣」。以往在財資「盤房」工作，他形容搵錢快但視野狹窄，成敗得失繫於一條美國孳息曲線，息率上落幾點子，對街外人毫髮無損，「但坐緊盤嘅交易員，睇錯市就隨時『家散人亡』」。市場講求快狠準，做成一宗交易，固然帶來滿足感，但去到某個階段，「你會諗係咪日日營營役役，長年累月跑數」？
提起故人舊事，黎不無感慨。他笑說自己「命硬」，生命中3位老友兼上司都「死於非命」，包括「港債之父」唐栢萃（Patrick Thomas），4年前在瑞士行山途中，突心臟病發辭世，一班好友原本籌備兩個月後，為其愛妻在法國慶祝「登六」，結果這派對成無法兌現的願望。
另一位是他在美資行漢華實業亞洲的舊上司Roger Jennings，提早退休在布吉開設酒吧，孰料遭逢橫禍身中多刀；東方滙理另一老友，往波士頓參加女兒大學開學禮，卻發生車禍客死異鄉……人生無常，令黎更覺搵銀並非至上。
2006年黎業榮決定急流湧退，乃雷曼迷債開始大行其道所觸發。黎說這類衍生工具「自己一定唔買」，但對着客戶卻要落力促銷，「過唔到自己嗰關」。尚幸他當時已毋須為口奔馳，故決定「掛靴」，兩年後雷曼倒閉引發世紀海嘯，「一切彷彿偶然，其實卻是必然」！退休後黎業榮加拿大及香港兩邊飛，前年返港，因緣際會獲邀出任饒館總幹事，即愉快答應，謙卑地展開新的學習之旅。
任饒宗頤文化館總幹事
佔地逾30萬呎的饒館，保留了2,000多棵原生態果樹，館內宮粉羊蹄甲相當有名，每年3月，白色及粉色花朵開得漫山遍野，他希望遊人到此，既欣賞到中西合壁活化復修的百年建築，又能體會園林保育移步換景的自然美態。
昔日賓架生涯，黎業榮形容像一條飛湍急流，直奔向前，今日文化傳承工作，卻是百川滙海，涵蓋汪洋。未來他期望能滙集更多人落場同行，企業更能承擔社會責任，個人更重視心靈復康，「希望呢個艱難使命，能夠開花結果，唔係每日淨係諗賺錢賺錢」。
記者：劉美儀