緋聞女王、32歲的李彩華（Rain）日前接受黎燕珊主持的有線節目《往事．並不如煙之情書》訪問，承認當年跟林峯相戀半年，事實上其緋聞男友還有一大籮，包括最近被劉明軒狂數的王傲山、闊少潘啟翀、汽車美容店老闆Thomas Lee及已經是人夫的丁子高及蕭定一等。
金融男友劈腿
訪問中，Rain爆當年發現金融才俊男友劈腿，對方設法叫司機及女傭離家，最後被女傭發現原來帶女人回家，但本報得悉，Rain當年除遇上另一半劈腿，還試過被另一前度𠱁買股票，結果連累親友損失共7位數字，才發現對方故意利用她發放消息。
昨日Rain接受本報電話訪問時承認此事，但不肯透露事件發生在何年何月，她說：「係有咁嘅事，都過咗好耐，幾時唔講喇，當買個教訓，嗰時因為相信另一半，冇諗過原來俾人利用，媽咪叫咗好多親戚買（股票），點知累大家蝕錢，加加埋埋係有7位數字，咁嗰個人自己就梗係賺錢啦！」
何遠恒好聽話
Rain續謂，她在其中一段感情失敗後，隔了兩年多才敢再拍拖，她嘆謂：「經過被欺騙、隱瞞同背叛，係會令自己喺感情方面小心咗嘅！」有指她現在苦盡甘來，男友何遠恒對她千依百順，她笑說：「𠵱家都係互相了解中啦，咁佢係同以前啲唔同嘅，一齊都好舒服。」本報曾聯絡被Rain指劈腿的嫌疑人物王傲山，惟他截稿前未有回覆。
採訪：李察