星級健身教練Anson，有唔少紅星都係跟佢健身、操大隻、減肥、增肥，都會搵佢，好似有周潤發、郭富城、楊千嬅、詹瑞文、吳鎮宇、李治廷等等，收費仲由2,000蚊一鐘起跳，至於點解會收咁貴同埋咁受歡迎，當然係因為有成效啦。
好似楊千嬅咁，2015年嘅演唱會前，就係搵咗Anson操，令到千嬅可以喺演唱會晒佢一對老鼠仔！余文樂之前為咗拍電影《狂獸》，因為身形太瘦，就搵咗Anson幫佢增加肌肉，依家就變咗大隻仔一名。
而詹瑞文近年都好注重健康，都有搵到Anson健身，有一次佢仲喺facebook直播佢健身，喺片中可以睇到詹瑞文同Anson講佢有少少唔舒服，Anson就好貼心咁話幫佢做多啲力量嘅運動，而唔做咁多帶氧運動，由此可見Anson嘅健身訓練真係好貼心。