相信東九龍社區關注組陳澤滔都估唔到，因為約會選舉對手愛港之聲高達斌BBQ，而且同佢有傾有講嘅一張合照，搞到畀網民圍攻，甚至話佢係「鬼」喎，最後要喺facebook出po澄清。
讚對方講心底話
陳澤滔解釋有次高達斌喺論壇後同佢講，希望選舉過後傾吓政治，佢認為公開嘅話無妨，既然搞BBQ咪約對手邊燒邊傾，指除咗一開始影相，其餘大部份時間都係城市論壇mode；四粒半鐘「傾談」時間，有時傾到企喺身、有時傾到扯火鬧，問題包括點解撐689、同李偲嫣有乜關係等，指對方任人質都冇問題。陳澤滔話高達斌對佢嚟講係冇晒政治能量嘅人，唔認為要驚佢啲乜，唔理佢真心膠或共諜，讚對方會講心底話。唔知呢個答案，質疑佢嘅人收唔收貨？