【本報訊】選戰新鮮人天天見報，現屆議員悄悄告別。談不上離愁別緒，對公民黨陳家洛而言，立法會已淪為馬騮戲表演場，辯論質素下降，遑論探討政策與法案研究。喧鬧中他慶幸守着學術自由免全面被攻陷。
立會休會後，陳家洛離港近一個月。7月15日現屆議會最後一夜，陳提早離開，無與同僚拍攝大合照，他說是刻意，「其實到最後都係抗爭緊；呢頭拗到面紅耳熱、嗰頭一夠鐘就攬頭攬頸……好似俾人感覺有啲做戲」。
總結議政4年「不枉此行」
48歲肖猴的陳家洛嘆指，「呢4年可以見到，馬騮戲呢樣嘢，各黨各派，有求必應」，最直接影響是議會形象變差，議政質素下降，「見到你哋有啲馬騮出嚟，我哋又派一啲出嚟同你鬥chur，chur完之後，議題唔見咗、關心嘅訴求冇咗，甚至乎焦點係轉移咗，最終係益咗中央、西環同CY，因為佢哋最想見到，唯一可以制衡行政機關嘅議會墮落」，「市民越嚟越睇唔起立法會，正中佢哋下懷」。
由民建聯蔣麗芸搶走社民連梁國雄的鳥籠道具，到吳亮星公然指李波失蹤事件涉洗頭艇，再到最大黨主席答問大會問的竟是全城清潔運動，陳家洛直言，沒有最爛，只有更爛。身為學者，他執着有質素的發言，查數據、看事實，憶述有立法會繙譯曾讚他發言「有前有後」，「對我嚟講係一種好大嘅肯定」，強調建制派以馬騮戲將立法會降格，泛民不應跌入圈套配合，「如果冇一啲有質素嘅辯論，統統只係唔理性嘅聲音，最終只係害到自己」。
苦水吐不完，但4年仍是難得經驗，有份推動15年免費教育，同時守住學術自由免全面淪陷，別忘記他4年前曾以新丁姿態力阻中環海濱用地改劃成解放軍軍用碼頭，掀起公共空間保衞戰。他以「不枉此行」作總結，日後會在另一些崗位，繼續推動香港進行善治（Good Governance）。
■記者許偉賢