最近兩週，報販新寵是《成報》，下午各便利店已找不到其身影，反而其他黨報如常仍有大叠剩。小市民不管權鬥內訌鬼打鬼，但一連兩週隔日內幕爆料，正是港人心中有數（689則「心中有鬼」）的禍港殃民罪魁，就不知689加中聯辦可橫行到幾時？若獲「默許」則要看何時成為棄卒──花生指數極高。
有客買《成報》，店員着明晨來買，他說：「幫我留報紙，畀錢先，費事撲。」店員阿姐寸他：「個個都叫我留，我咪好唔得閑？唔駛做呀？聽朝見啦！」
不過大勢所趨，小市民不但踴躍投票，議政興趣還很大。
到一街坊食肆晚飯，這家的順德煎藕餅和老火湯很不錯。只聽得鄰座有位「順叔」，向他對面的「順嫂」及六七歲仔仔侃侃而談：「……官商鄉黑勾結就係咁解嘞……排骨仔（指朱凱廸）同隔籬嗰個（指姚松炎）都係鋼條型戰鬥格，不過四年後就死得……個學民仔（指羅冠聰）重審？政府梗係鋤死佢唔畀佢做議員啦，一個唔覺意王維基咪翻生頂上？……仲有，阿仔大個一定要讀法律，有錢搵又入得立法會，你睇條契仔（指何君堯），不過要學功夫強身，希拉莉副偈唔掂，點做總統？……」
狀似高見，對面婦孺一臉敬佩之色。