【本報訊】父親臨終叮囑，不要搞罷工，「影響好多人㗎阿妹」。過去13年，她沒搞罷工，但成立工會贏了資方3場官司；她多次上街爭取勞工權益，更發動機場靜坐抗議特權。昔日阿妹到今天身兼3個工會領袖，她是吳敏兒，「工會唔係去放土製菠蘿，放火燒死林彬」，留給亡父的話她沒說出口，但用行動證明。
記者：王家文
吳敏兒今年很忙。3月底特首妻女爆出「行李門」濫權醜聞，她出任主席的香港空勤人員總工會在機場發起逾千人靜坐。兩個月前職工盟換屆，她又高票當選首位女主席。剛過去的立法會選舉，她先後為工黨胡穗珊及李卓人站台和拉票，還未計她在英國航空當空姐，幾乎每周飛倫敦一趟；她更早為人母，育有一子一女。
任銀行代書遇性別歧視
工運向來是男人世界，雖然今後不敢說，但吳敏兒非要跟男人逞強，「女性做唔做到，係睇女性願唔願意擔當。如果我係女性都睇低自己，咁唔使做啦」。她說性別不應是障礙，「外國好多強大組織咪又係女性領導，由頭到尾就係你信唔信自己能力」。她今年45歲，自從中二那年向班主任「爆seed」，開始相信自己能力。
吳敏兒小學3年級當上風紀隊長，念中二時卻遇上她形容八股味濃的班主任，「佢眼中係男仔先讀得書，女仔係要嫁人」。家長日派成績表，她操行只得B-，那班主任說：「你操行其實幾好，不過可惜你同咗個唔係幾好嘅同學坐」。同學只是敢言沒犯過錯，她忽然抱不平，「你根本就重男輕女，你唔鍾意女同學」，母親在旁聽見也大罵，「原來你咁蝦我個女，有冇搞錯」。下學期操行，她取回A。
中學畢業後第一份工在銀行做代書小姐，替客人寫單。那年頭新入職的年輕女員工被稱為「小花」，但沒有特權，每年度的評分日，小花通常被評為最差的C級。「竟然係我」，吳敏兒自問稱職有餘，「年資長嘅女同事講，因為有quota（配額），你係小花咪『食C』囉，生仔嗰年食梗㖭呀」。她憑努力獲派到當年吃香的定期存款部，但有感年齡和性別歧視，拒絕再玩，轉投國泰航空做地勤。
1992年吳敏兒轉職英航當空姐，再修畢工商管理學士學位。父親過世那年正值沙士襲港，她懷孕4個月，既為父奔喪，也要打官司。因英航早年扣減員工三分一雙糧，2001年911恐襲後又削減工時。她成立英航香港機艙服務員工會兼任主席，入稟追討欠薪，首獲勝訴。其後英航指她擅自接受傳媒訪問，發出警告及作非正式監察，涉違反《僱傭條例》。
勞工處向英航提出票控，她再勝一仗，更成本港首宗歧視工會入罪案例。抗爭未停，另一場官司又展開。英航規定香港機艙服務員45歲退休，涉嫌觸犯年齡及種族歧視。她告到英國法院，抗爭6年，2012年取得終極勝訴，24名空姐獲復職及賠償，英航也同意延長退休年齡至65歲。未成立工會前，有次吳敏兒偶遇公司一名管理層，膽粗粗問對方，「聽同事講邊個搞工會就死（解僱）邊個，其實係咪咁？」該管理層笑說，「邊係吖，係你哋唔搞之嘛。」她頓時開竅，「呢個世界就係咁，以訛傳訛，只係有啲人怕事、怕辛苦。如果我唔怕，點解唔做呢？只係冇人開始」。
那時她是工運新手，同事建議找職工盟幫忙，但印象中職工盟是全男班，每次遊行都有衝撞像爛仔，「嗰陣時我哋成班好驚」，結果與職工盟前總幹事鄧燕娥及國泰空中服務員工會前主席關笑華會面，兩個女人教她重新認識工運。晃眼13年，她獲選為職工盟主席，也算是報恩，「如果唔係職工盟喺後面撐住，點捱到今日」。
「工會唔係放土製菠蘿」
小時候吳敏兒是「喊包」，父親總教她要堅強，「成日喊有乜用」，對她影響至深。父親60年代開始當差，經歷過六七暴動，眼中的工會都是左仔到處生事，臨終也要叮囑女兒不要搞罷工。「工會唔係咁㗎，唔係去放土製菠蘿，放火燒死林彬」，她很想解釋但沒開口，「佢明知要走仲擔心我，點可以同一個末期病者去辯論？個心係好難受，但自己淚向肚中流」。