呢排政圈興考古，繼之前鄭松泰同楊岳橋俾人搵番10年前個學生look出嚟後，今次到工黨趙恩來搵番27年前李卓人帶咗過百萬港人捐款上北京支援北京學生，結果俾公安捉咗扣留筆錢嘅扣查單據。
其實支聯會之前有公開過呢張「欠單」，而趙恩來喺facebook貼嘅單據睇落係副本嚟，日期係1989年6月8日，由北京市公安局發出，證明佢哋拘捕咗李卓人，仲將佢帶同嘅香港市民捐款扣查，包括1,044,660港幣、5萬美金、仲有𠵱家已經唔流通嘅34.9萬元外匯兌換券，公安局於是向阿人發出呢張單據，證明扣留咗筆錢（圖）。趙恩來話呢筆欠債，香港人無論如何都要向中共討回。