練馬師葉楚航今期（18日）戰馬實力甚強，其中他似乎非常重用韋達，將「軍勇戰略」、「勁飛勁」及「狀元才」三隻實力馬交予韋達操刀。既然有機會連場攜手交出佳績，呢隻騎練當然亦好緊張，這天葉楚航便同韋達便喺烽火台傾咗好耐，話題自然不離上述三駒嘅搏殺大計。其中第七場三班1000米的「勁飛勁」開鑼日跑同程直路賽，以極佳走勢得季軍，頭馬「歷險家」超晒班，「勁飛勁」贏唔到亦無話可說，今次乃熱身後再出，相反同場主要對手「皇仁大師」只係季內初出，「勁飛勁」始終有啲優勢，加上排7檔適中，韋達、葉楚航這對前冠軍騎練，有力雙雙揚威凱旋門。