美國真人騷女星Kim Kardashian出咗名係自戀狂，佢無時無刻都想成為眾人焦點，不時喺社交網站晒性感照出位。佢亦透露試過幾日影6000張自拍照，真係好誇張。正常人喺社交網站upload相賀朋友生日，都會俾壽星女/男出鏡，不過Kim實在太自戀，佢喺instagram連環上載同壽星女合照，點知全部都係自己做主角。穿上泳裝嘅Kim不停擺趷Pat甫士，壽星女亦係得半邊臉、坐喺側邊同埋慘到得番反射於玻璃門嘅倒影。