皇馬周三主場2:1驚險反勝士砵亭，取得歐聯分組賽首勝，貢獻助攻俾艾華路莫拉達奠勝嘅占士洛迪古斯（J Rod、圖），佢恩師就被爆出涉性侵兒童。英國《太陽報》報道，哥倫比亞警方周一拉咗一位叫拉奧斯嘅足球教練，佢喺麥特林經營一間青少年足球學校，最得意嘅門生就係J Rod，而拉奧斯被捕嘅罪名都幾得人驚，就係佢涉嫌性侵犯14歲以下兒童，哥國警方更透露受害人唔止一個，而且拉奧斯更因為J Rod夠大名，搞到家長信晒佢㖭呀！