橫洲萬七有壓力，點解決？依梁特「過去三年」的秉性，市民心裏有數，必然偽語如珠，誤解當解咗：
一：這是先易後難方案，請給各個相關部門多點時間。土地問題，一定土地解決。（即是暗示，有關部門無把好關，鄉紳自己搵地頭蟲四四六六，砌掂佢！）
二：先建四千單位，後續萬三個單位，房屋問題是重中之重，無論邊個做特首，我個永續土地政綱是不會撤的。（大家聽唔明白？最好啦！一頭霧水，與一身蟻比，無理由揀後者。除非你係屏山的鄉黑始祖，咁就要閃！否則，等住用完即棄！落地獄！死全家！）
三：官員並無失職，要官員單拖入橫洲跟黑道會面，等同叫他們在公眾面前飲鉛水！本人絕對不會讓公僕受辱。（解鈴還須繫鈴人，運房局既然唔係自己友，食硬死貓揹黑鑊！林鄭想幫拖，注定枉費心機！）
四：我已跟中央商議好，史無前例，組團帶領鄉紳赴京，共商新界地權協議。（言下之意，隨時又會「等埋發叔」，甩轆！無影！）
五：唔怕一萬，至怕萬七！我姓梁的唔會走數！信納嗎？