禮拜日（18日）沙田八草兩泥賽事，草地用最狹窄之C加3跑道，睇番上季9月19日首次田草C加3欄賽事，頭六場頭馬全部守前三位入直路建功，不過去到尾段場次，勝出馬「華恩庭」、「飛廉之子」及「競技英雄」竟然全屬居中後上，所以要提防臨場形勢會逆轉。
今戰列陣馬中，第十場「狀元才」唯一頭馬正是角逐C加3欄1400米所得，重返強項咪睇小。另外，第八場「海嵐一號」五次角逐田草C加3欄1400米獲一勝三位，窄場性能咁出眾，排埋一檔值得睇好。
至於泥地方面，剛戰兩場泥地賽均由放頭馬「御風雲」及「藍天飛馬」勝出，周日頭場「皇龍大師」及第三場「喜利高」等擅跑泥地之快放馬，可優先留意。