九月到，係時候準備下年二月嘅渣打馬拉松。今年渣馬運動用品贊助商，終於轉手，新贊助商就係Nike。咁到底轉贊助商對參賽者有咩影響？最直接，最緊張，最在意，梗係想知件跑衫設計好唔好睇。湖水藍為主色，胸口位一邊印上品牌logo，另一邊印上渣馬logo，簡簡單單最好睇。跑衫以DRI-FIT物料製作，根據熱感應測試數據，喺背面不同程度排汗區域，採用上相對應密度編織，有助跑步時增加透氣性，快速揮發汗水。
另外，為迎接渣馬，品牌的NRC app亦有更新。只要輸入個人數據、賽事日期、目標距離、時間等資料，app就會因應你需要、狀態和跑步習慣，制定一套只屬於你嘅訓練計劃，好似請咗私人教練一樣，對各位有心參賽的跑手，係個好幫手。
記者：李聰
