練馬師徐雨石今季起步利落，跑過三期賽事，全數有頭馬交出，並以六Win高踞練馬師榜第一位。
在周日賽事，他共有十駒列陣正選，素知石哥喜愛在泥地賽出擊，如剛周日般，一對泥地賽駒「藍天飛馬」及「情意相投」即分跑冠、季軍，故今期兩場泥地賽，自然要吼實徐廐馬。
其中出爭五班泥地1650米的「皇龍大師」，剛季初出正是跑同班同程，結果亦順利以兩個馬位之先輕鬆贏馬，今次作出相同部署，可望重溫好夢。
至於跑四班泥地1650米的「喜利高」，歷來曾三勝泥地，記得上季初，此駒就是熱身過一仗後，翌仗即在泥地一哩贏馬。今回石哥為牠打王牌上陣，出擊心意明顯，值得重視。