中秋節家家戶戶都做節，馬會慈善及社區事務執行總監張亮都喺中秋前夕出動，約埋提供免費補習嘅陳葒校長以及派發免費飯盒嘅深水埗明哥陳灼明，齊齊落區應節送暖。雖然颱風逼近，都無礙一眾善長嘅熱情。
張亮今次相約陳校長拜訪明哥，身體力行去深水埗通州街天橋底，為有需要長者送上熱辣辣嘅飯盒同應節月餅，同弱勢社群歡度佳節，馬會義工隊亦有隨行幫手。
馬會喺22同23日仲會舉行「慈善共創 都市聚焦」國際慈善論壇，近千名與會者會喺論壇討論慈善喺社會問題上扮演嘅角色。
張亮邀請咗陳校長同明哥出席論壇，同千名參加者交流做慈善嘅經驗，希望香港以後可以變得更美好。