二度招股嘅澳至尊（2031）克服兩次認購不足嘅困難，噚日終於順利上市，真係恭喜晒。不過，澳至尊主席蔡志輝送畀港交所（388）嘅紀念品都幾老土，同公司標榜嘅年輕活力形象唔多夾咁喎。
呢對立體金鷹，睇落有啲似舊式酒樓龍鳳大禮堂嘅雕刻品，聽聞老闆只係想攞個好意頭，而底部嘅題字亦有段故，寫住「澳至尊一飛衝天，如鷹展翅上騰」，係來自身為基督徒嘅蔡生蔡太，其中一首喜歡嘅詩歌《全因為你》入面有一句「無論我壯如紅日，或如黃昏般漸漸老，是你令我如鷹般高飛」。
上市撞正環球小股災，澳至尊全日收報0.58元，只係比招股價高5.5%，但已經跑贏大市，呢隻鷹仔慢慢飛喇。