紅色的跑車像是帶着神秘，紅色的財爺房車，明顯帶着兩度「習握手」嘅人氣！特首行情續高漲，財政司司長曾俊華連座駕都紅爆！
話說最近佢嘅財爺嘅FS車牌專用座駕，吸引唔少政府中人注目，因為係好鬼耀眼嘅紅色，絕對有別於一般官員坐嘅黑、藍、灰等男人愛用嘅低調顏色，又難怪議論紛紛。原來政府最近換咗一批車，因為有批車用咗10幾年，好殘兼且成日壞；本來係用Volkswagen、𠵱家則係Lexus，至於顏色則係部門自己揀嘅。
據聞新車中只有鬍鬚曾揀紅色；點解咁高調？知情人士話係想配合今年預算案嘅顏色，係budget color！而鬍鬚曾噚日出席活動被問到點解揀紅色戰車時回應：「架架車都一樣啫！」據知呢架車係LS600hL，未連稅車價約100萬蚊。