今次跌市告訴大家一個教訓，沽貨訊號一出，真係一個半晝都唔等得。
一個突如其來嘅雙日轉向，由極度亢奮狗衝突然變咗要避險，情緒未至於恐慌，跌超過700點但算跌得有秩序，不過，即市明顯冇資金願意入場撈貨，所以即時見底機會甚微，相信至少三幾個交易日回穩，先有人回復信心。睇嚟裂口低開500點先嚟沽貨，原來都未算遲。
小弟成日鍾意估大市方向，但中午出街同戰友傾開，對方覺得今次跌市未必跌好多之際，小弟反而唔識得點回應，冇乜嘢講，原因係仲要時間觀察緊。唯一結論，即時見底機會好微，再之後劇本點走，真係要未來兩日睇清楚，斷估中秋長假期之前難有起色。
買股票，策略係要趁早諗，但辦別市場方向，只能尋找可靠而最超前嘅指標去預測，喺可靠而超前嘅指標未出現之前，最忌太心急去估一個方向，錯咗方向兼付諸錯誤行動，可以好大件事。測市，喺合適時機搵出嚟嘅方向，先至可靠，急都急唔嚟，睇多兩日先啦。
晉佳
http://fb.com/advanceguy1