【本報訊】有市民在荃灣廣場一田超市魚兵衛專櫃，買了盒雜錦壽司回家，豈料進食時赫見數條白色的蟲在壽司上蠕動，事後已致電食環署投訴。
市民阿Sam上周六（10日）傍晚6時許，以79.8元在上址買了一壽司盛盒，回家後把壽司放到雪櫃，至當晚午夜取出當消夜吃。
獸醫指屬寄生蟲
「想攞嚟食，見到（魚肉）有一條條白色、好唔尋常嘅絲，原來係蟲嚟！」阿Sam驚見一金槍魚壽司上出現4至5條約1厘米、奶白色的線狀蟲在魚肉上蠕動，他用牙籤挑動（圖），「有啲（蟲）鑽咗入魚肉，有啲就挑咗出嚟死咗！」他事後已致電食環署投訴，署方派員取走壽司化驗。
一田發言人表示，超市內的魚生及壽司由魚兵衛供應，現正了解事件，一田會繼續監督食品安全。獸醫黎昌生指涉事壽司的蟲是寄生蟲，可致腸胃不適，甚至鑽入腸臟，潛伏人體一生。
■記者黎國剛