滙豐歷史檔案展覽館內，亦見到香港經濟起飛時，當時得領嘅人物。
著名嘅獅子行前大班沈弼爵士（1977至1986年任滙豐銀行主席），上世紀70、80年代，慧眼識英雄，扶植華人富商如李嘉誠、包玉剛等冒起，協助二人分別取得和黃同九龍倉（004）控制權，自此建立起跨世代合作關係，二人更成為獅子行董事會內，少數華人非執董。
滙豐歷史檔案展覽館內，展出一張刊於1982年年報內，董事會成員嘅漫畫手稿，相當鬼馬趣緻，圖中央係主席沈弼，右邊有年輕版誠哥，靠近沈弼有精神奕奕嘅包玉剛。
展館內仲陳列咗滙豐1865年成立前一年8月，所舉行嘅第一次董事會籌備委員會會議紀錄，記載該行註冊資本500萬元，發行股數2萬股。
