「唔好講到咁偉大，少少好事就唔怕做。你買支旗仔幾蚊雞，可能覺得係好少事，但背後影響到嘅故事，你唔知有幾大，就係咁解」。羅啟康是華隆五金行政經理，3年半前聘請了五金行首個更生人士，對方曾經露宿又是癮君子，「冇乜好驚，我哋請雜工搬嘢，大力就冇問題，年紀大又唔緊要，最緊要識字睇單」。請人，他從不問背景。
「哥仔想要乜？」站在一排角鐵前的阿祥等待客人落單，「一分吋二，鉛水角兩支，一開三」，然後熟練地把角鐵鋸開兩截，再搬上貨車。他今年65歲，半生在監房，瞓街10多年，2012年2月遭政府清走所有家當，他聯同10多名露宿者成功入稟小額錢債審裁處向政府索償。後來他搬上公屋，有次在公園拾起一份報紙，見有五金行請雜工便去應徵。
「由見工第一日開始都冇問過我背景。我話啱啱上咗樓，想試吓，老細二話不說就請咗我」。阿祥見工時，羅啟康說對他多少有點印象，後來才記起他是露宿者，曾跟政府對簿公堂，「啲差人攞晒佢啲嘢，唔當佢係一個普通人看待，打官司合理㗎」。但聘請他不是憐憫，只因阿祥見工時態度誠懇。
他說阿祥初入職時寡言沒自信，「佢個背景成條必發道都知，可能驚人睇小佢，唔知用乜眼光對佢」。那時阿祥毒癮未除，收工後要服美沙酮，「一路以嚟我當佢冇吸毒，唔好俾佢覺得isolate（孤立）佢，覺得自己仲未戒甩」。曾有同事微言，指阿祥常上廁所，「我話就算一個正常人蛇王，匿喺廁所半個鐘睇報紙都得」，他不對號入座，「做寫字樓好多人去後巷食煙啦」。
「其實同普通人冇分別」
用人勿疑，他從沒勸阿祥戒毒，因朝八晚六搬搬抬抬，沒精神沒氣力是做不住。五金行現有9名員工，阿祥是首個聘請的更生人士。「其實同普通人冇分別」，這句話羅常掛在口邊，沒針對也不偏私，「佢偷懶都會照話佢」。
五金行是家族經營，人情味濃。阿祥幼子有精神病，羅容許他借糧為兒子看病。返工4個月後阿祥已成功戒毒，生活穩定，常做義工，「我以往爛爛撻撻，從不掩飾自己身份。今時今日有咗份工，就唔想衰俾人睇，想企番起身俾人睇到，我仲係一個人，唔係一撻爛泥扶唔起」。
