【本報訊】易緯集團（3893）今日上市，集資只9,000萬元，但錄得1,694倍超額認購，膺今年超購王亞軍，上周五暗盤價更升逾三成，市場認定易緯炒味濃，主席兼大股東李偉生接受專訪時卻表示：「我完全唔識股票。」
易緯去年底着手籌備上市，與星星地產（1560）碰巧於3月底同日遞交上市申請。李承認因聯交所6月份發出有關上市合適性的指引後，「多咗幾條問題要答，例如業務可持續性、上市目的等」，才比星星遲了剛剛兩個月上市。
兩股難兄難弟，大股東亦同樣自願延長禁售期至3年，料為釋賣殼疑慮。李偉生表示早在5月，「報紙未賣（延長禁售期）我已經講。保薦人、律師話，李生你唔需要喎。我答番佢，坐喺度咁多人，最想做生意嗰個係我。一年、三年、五年好，如果我唔會賣（盤），有乜問題？唔會做嘅嘢，有乜問題？」提到其保薦人新華滙富的另一作品正利（8318），月初在大股東解禁前突然大瀉九成，李表示：「冇聽過，正利咩公司嚟？我完全唔識股票。」自言一生人只做過設計師一行，亦曾理工大學設計學院擔任兼職客座講師，「收份講師人工唔夠我泊車！」甚為享受課後留下與學生討論，多留5、6小時亦在所不計。
料店面設計需求持續
易緯為主要客戶包括英國時裝品牌Alexander McQueen、手錶品牌Breitling、珠寶品牌Graff Diamonds等，李形容是其工作是設計師、工程師和製造商的結合，例如有客戶設計一張展覽桌，「做到好似空中飄浮咁，但無腳、無底」。無腳怎可企穩呢？李將其中一邊的支架接地，以地氈覆蓋，類似街頭賣藝的飄浮和尚的把戲，「將概念變為現實」。
另一類是名店、展覽館室內設計，不過奢侈品生意對經濟轉勢最敏感，會否影響公司生意？李表示品牌更着重定期換款保持新鮮感，亦不能落後於對手，故對於店面設計裝修的需求不會停止，有可能隨經濟周期「budget低少少，冇咁大型」。李自言這門生意比較冷門，「喺香港冇乜行家識我，反而去到歐洲，一講就知道Crosstec（易緯）」，上市集資除了可在歐洲、日本等地壯大業務，取得上市地位亦有助與其跨國集團生意伙伴平起平坐談判。
記者：黃翹恩