曼市打吡咁大場波，記者當然會問吓啲塘邊鶴，例如阿仙奴領隊雲格（圖）有咩高見。雲爺爺就話：「兩隊開季走勢都好勁，一場失利都唔代表啲乜，勝方攞到嘅心理優勢大過實際嘅數字優勢。」雲格話佢實睇晒呢場波，從中觀察曼市雙雄喺對強隊時有咩弱點。另外，雲格繼續力撐借咗去般尼茅夫嘅愛將韋舒亞，佢唔單止期望「韋煙王」返兵工廠，仲話呢位英格蘭中場將來有潛質頂佢個位！