曼聯翼鋒迪比（小圖）今季冇正選，但佢仲有好多角色可以做，例如網絡打氣員。喺曼市打吡前，佢放咗張染成紅色嘅曼徹斯特相上去twitter度（圖），留言話：「各位兄弟，聽日（昨日）一齊將呢個城市變成紅色！」雖然迪比激勵隊友，但啲網友真係好鬼衰，下面啲留言唔少都係寸佢冇正選踢，有人問佢坐喺看台邊度，有人仲問佢去邊間酒吧睇波！