香港壁球三「子」繼續喺吉隆坡世大運發威！日前喺世界大學生壁球錦標賽集齊個人賽金、銀、銅嘅港將，包括金牌嘅葉梓豐、銀牌嘅湯芷穎同埋銅牌嘅黃祉謙，咁啱個個名中間都有個「子」音，佢哋噚日喺男女混合團體賽四強贏日本3:0，今午決賽對東道主大馬，力爭首面世大團體賽金牌。港隊最好一次世大團體賽成績係2010年得亞軍，睇吓今日佢哋可唔可以創歷史。